Facebook, Messenger და Instagram მსოფლიოს მასშტაბით გაითიშა – “ფეისბუკისა” და “ინსტაგრამის” მფლობელი კომპანიის – „მეტას“ – კომუნიკაციების დირექტორი ენდი სტოუნი სოციალურ ქსელ X-ზე (Twitter) წერს, რომ ისინი პრობლემის გამოსწორებაზე მუშაობენ.
“ჩვენ ვიცით, რომ ხალხს გაუჩნდა ჩვენს პროდუქტებზე წვდომის პრობლემები. ვმუშაობთ ამაზე”, – დაწერა ენდი სთოუნმა სოციალურ ქსელ X-ზე.
სოციალური ქსელებით სარგებლობა ამ დროისთვის შეუძლებელია როგორც აპლიკაციებით, ასევე Desktop ვერსიებით. მომხმარებლები ავტომატურად გამოვიდნენ ანგარიშებიდან და პლატფორმაზე ავტორიზაციას ვეღარ ახერხებენ.
DownDetector-ზე შესული მომხმარებლის 75% ამბობს, რომ Facebook-ზე ავტორიზაციის გავლას საერთოდ ვერ ახერხებს, 17%-ს აპლიკაციასთან დაკავშირებული პრობლემები აქვს, 8% კი Facebook-ის “დესკტოპ” ვერსიას ვერ იყენებს.
Messenger-ზე ავტორიზაციის გავლას მომხმარებელთა 56% ვერ ახერხებს, 29%-ს აპლიკაციაში შესვლა უჭირს, 15%-ს კი შეტყობინებების გავლა უჭირს.
