კორონავირუსი დაინფიცირებული პაციენტის ორგანიზმში დაინფიცირებიდან მინიმუმ ხუთი კვირის განმავლობაში რჩება.
ახალმა კვლევამ აჩვენა, რომ ახალი კორონავირუსით დაავადებული პაციენტების სასუნთქ გზებში პათოგენი 37 დღის განმავლობაში რჩება, რაც მათ მთელი ამ ხნის განმავლობაში დაავადების გავრცელების წყაროდ აქცევს.
კიდევ ერთ მტკიცებულებად იმისა, თუ რამდენად რთული შეიძლება იყოს პანდემია ჩინელმა ექიმებმა გადარჩენილი პაციენტების რესპირატორულ ნიმუშებში დაინფიცირების შემდეგ საშუალოდ 20 დღის განმავლობაში აღმოჩენილი რიბონუკლეინის მჟავა დაასახელეს. ამის შესახებ Lancet medical journal–ში გამოქვეყნებულ სტატიაშია წერია.
ახალი კორონავირუსი მსოფლიოს 120–ზე მეტ ქვეყანაში გავრცელდა და უკვე 160 000 ადამიანზე მეტს დაუდგინდა მას შემდეგ, რაც გასული წლის ბოლოს ჩინეთში პირველი დაინფიცირებული დაფიქსირდა.
მიღებულ მონაცემებს სერიოზული მნიშვნელოვბა აქვს როგორც პაციენტების იზოლაციის, ასევე ანტივირუსული მკურნალობის ხანგრძლივობის შესახებ გადაწყვეტილების მიღებისთვის – წერენ კვლევის ავტორები. ამჟამად დაინფიცირების შემდეგ იზოლაციისთვის რეკომენდირებული პერიოდი 14 დღეა, რათა ვირუსის გავრცელება თავიდან იქნას აცილებული. თუმცა, თუ დაინფიცირებულები სიმპტომების გაქრობის შემდეგ კვლავ დაავადების გადამდებად დარჩებიან, ისინი უნებურად ხელს შეუწყობენ ვირუსის გავრცელებას კარანტინიდან დაბრუნების შემდეგაც.
შედარებისთვის, ჩინელი მეცნიერების თქმით ატიპიური პნევმონიის მქონე პაციენტების მხოლოდ მესამედს აღენიშნება ვირუსი სასუნთქ გზებში ოთხი კვირის მანძილზე. მათ Covid-19-ით დაინფიცირებული 191 ადამიანის სამედიცინო ჩანაწერები და ლაბორატორიული მონაცემები შეისწავლეს, რომლებიც უხანის Jinyintan–ის საავადმყოფოში მკურნალობდნენ. აქედან 54 პაციენტი გარდაიცვალა.
