ტაილანდის სანაპიროზე, ნაპირიდან 220 კილომეტრის სიღრმეში ნავთობის ჭაბურღილის მუშებმა ძაღლი გადაარჩინეს. მათ ძალაგამოცლილი ძაღლი პლატფორმის სიახლოვეს შენიშნეს. მათ ძაღლი წყლიდან ამოიყვანეს და უსაფრთხო ადგილზე გადაიყვანეს.
უცნობია, როგორ აღმოჩნდა ძაღლი ასე ღრმად ზღვაში. ვარაუდობენ, რომ ის წყალში შესაძლოა თევზსაჭერი გემიდან ჩავარდა.
მუშებმა ძაღლს Boondor შეარქვეს. ეს ტაილანდური სიტყვა ითარგმნება როგორც “გადარჩენილი“.
ძაღლი სრულიად გამოფიტული იყო და როგორც ჩანს სასმელი წყლისა და საკვების გარეშე წყალში დიდი ხანი გაატარა.
მას სამედიცინო დახმარება ჭაბურღილის პლატფორმაზევე აღმოუჩინეს. ამისათვის მუშებმა დახმარება რაციით სთხოვეს ტანკერის ეკიპაჟს, რომელიც სანაპიროსკენ მიემართებოდა.
გამოკვების, სამედიცინო დახმარების აღმოჩენისა და დაბანის შემდეგ ძაღლმა მშვიდად დაიძინა.
როგორც ჭაბურღილის თანამშრომლები ამბობენ, ძაღლის აღმოჩენის და გადარჩენის საშუალება მშვიდმა ზღვამ და კარგმა ამინდმა მისცა. ძაღლი ორდღიანი მოვლის და პატრონობის შემდეგ მუშებმა საბოლოოდ ნავთობის ტანკერზე სპეციალური კრანის დახმარებით გადასვეს და ნაპირისკენ გამოამგზავრეს.
