როგშორ უნდა შევარჩიოთ სწორად წამალი გაციების და გრიპის წინააღმდეგ.
რა თქმა უნდა, პირველ რიგში ექიმს უნდა მიმართოთ, რომელიც სწორად დასვამს დიაგნოზს და სწორ მკურნალობას დაგინიშნავთ. თუმცა რადგან ამას გაციების და გრიპის დროს იშვიათად თუ აკეთებს ვინმე და ძირითადად თვითმკურნალობას მიმართავენ, გეტყვით რითი ხელმძღვანელობენ ექიმები წამლის დანიშვნისას, რომ ეს ნიუანსები თქვენც გაითვალისწინოთ:
1. ანტივირუსული ეფექტი
ანუ სხვაგვარად რომ ვთქვათ პრეპარატის უნარი ებრძოლოს ვირუსს. პრეპარატის მოქმედება ვირუსის აქტივობის დათრგუნვისკენ უნდა იყოს მიმართული, დაავადების პერიოდს და გართულებების განვითარების რისკს უნდა ამცირებდეს.
2. ანთებისსაწინააღმდეგო ეფექტი.
პრეპარატი ანთებისსაწინააღმდეგო ეფექტით გვეხმარება გაციების და გრიპის გამოხატული სიმპტომების შემცირებაში, რაც პირველ რიგში ავადმყოფის თვითშეგრძნების გაუმჯობესებას იწვევს. გარდა ამისა, საშუალებას გვაძლევს ზედმეტი წამლები აღარ მივიღოთ უსიამოვნო სიმპტომების მოსახსენლად.
3. იმუნიტეტის აქტივიზაციის უნარი.
ხშირად გართულებების მიზეზი ორგანიზმის დამცავი იმუნიტეტის დაქვეითება ხდება, რამაც შეიძლება ბაქტერიული ინფექციების განვითარება გამოიწვიოს. ასეთ შემთხვევაში რეკომენდირებულია ორგანიზმს დაეხმაროთ: საკუთარი ინტერფერონების გამომუშავების სტიმულირება მოახდინოთ.
4. უკუჩვენებების და თანმდევი უარყოფითი ეფექტების მინიმალური რაოდენობა .
ხანდახან როცა წამლის ინსტრუქციაში უკუჩვენებების და თანმდევი ეფექტების თავს ვკითხულობთ, ეჭვი გვეპარება – ღირს კი საერთოდ ამ წამლის მიღება. უფრო მეტ ზიანს ხომ არ მოგვიტანს, ვიდრე სარგებელს? ექიმები ცდილობენ ისეთი პრეპარატები შეარჩიონ, რომლებსაც საჭირო მოქმედების პარალელურად მინიმალური უკუჩვენება და შესაძლო თანმდევი ეფექტი აქვთ.
5. თავსებადობა სხვა პრეპარატებთან.
6. პრეპარატი არ უნდა იწვევდეს მიჩვევას
