მათ ყველა იცნობს, თუმცა ბევრმა არ იცის მათი ხელგაშლილობისა და იმის შესახებ, რომ მილიონობით დოლარს ხარჯავენ ქველმოქმედებაზე.
ათ წელზე მეტია დევიდ ბექჰემი ქველმოქმედებას ეწევა. 2005 წელს ის საერთაშორისო ორგანიზაცია UNICEF–ს შეუერთდა, 2015 წელს კი ფონდი “7“ შექმნა. ორგანიზაცია ძალადობის მსხვერპლს და სერიოზული დაავადებების მქონე ბავშვებს ეხმარება. ბექჰემი დიდ თანხებს ხარჯავს ახლობლების საჩუქრებზეც. ცოტა ხნის წინ ცნობილი გახდა, რომ ფეხბურთელმა ცოლის ბიზნესში 23 მილიონი ფუნტი სტერლინგი დააბანდა. გარდა ამისა, მას მდიდრული საჩუქრები უყვარს: ერთ–ერთ ოჯახურ დღესასწაულზე ვიქტორიამ ქმრისგან ნიანგის ტყავის ჩანთა მიიღო საჩუქრად ცისფერი ბრილიატნებით– Blue Diamond Porosus Crocodile Birkin bag, რომლის ღირებულება 280 000 დოლარი იყო.
კიანუ რივზი ყოველდღიურ ცხოვრებაში ძალიან თავმდაბალი და მოკრძალებულია. ის ჰოლივუდის ერთ–ერთ ყველაზე გულუხვ ვარსკვლავად ითვლება. არაერთხელ უთქვამს უარი ჰონორარის დიდ ნაწილზე იმისათვის, რომ ფილმი უკეთესი გამოსულიყო. მაგალითად, მან დაახლოებით 80 მილიონი “მატრიცის“ ტრილოგიიდან მის კოლეგებს მისცა, ფილმ “ეშმაკის ადვოკატის“ გადაღებისას კი უარი თქვა ჰონორარის ნაწილზე იმისათვის, რომ რეჟისორს როლზე ალ პაჩინოს აყვანა მოეხერხებინა. ფილმ “ჯაჭვური რეაქციის“ გადაღებისას კიანუ რამდენიმე კვირის მანძილზე იხდიდა მთელი გადამღები ჯგუფის კვების ხარჯებს. რივზს კერძო ფონდი აქვს, რომელიც კიბოს განკურნების საკითხებზე მუშაობს და ბავშვთა საავადმყოფოებს ეხმარება. სწორედ იქ რიცხავს კიანუ რივზი უზარმაზარ თანხებს. ზოგიერთი მსახიობი კოლეგისგან განსხვავებით ის კეთილი საქმეების აფიშირებას ერიდება. ფონდი მის სახელსაც კი არ ატარებს.
ქველმოქმედებით არის დაკავებული ცნობილი მსახიობი ჯონი დეპიც და ხშირად ფულს სხვადასხვა ფონდებში რიცხავს. თანხების რაოდენობა არ ხმაურდება, თუმცა ზოგიერთი ციფრი მაინც გახდა ცნობილი. მაგალითად, ლონდონში ერთ–ერთმა საავადმყოფომ, სადაც 2007 წელს მისი ქალიშვილი მკურნალობდა, დეპისგან საჩუქრად 1.5 მილიონი დოლარი მიიღო, ქალების დახმარების ფონდმა კი 350 000 დოლარი. გარდა ამისა, ჯონი დეპი პირადადაც გასცემს თანხებს დასახმარებლად: ერთხელ ის თაყვანისმცემელი გოგოს მშობლების მოწოდებას გამოეხმაურა, რომელიც ავარიის შედეგად კომაში ჩავარდა, გოგონასთვის მიმართვა ჩაწერა და შეპირდა, რომ ყველაფერს გააკეთებდა რასაც შეძლებდა.
ის ფულს მომსახურე პერსონალისთვისაც არ იშურებს. მაგალითად, ერთხელ ოფიციანტს 4000 დოლარი ფეხის ქირა დაუტოვა.
ლეონარდო დი კაპრიო დიდ თანხებს ხარჯავს ველური ბუნების დასაცავად. 1998 წელს მსახიობმა დააფუძნა მისი საეხლობის ფონდი, რომელიც ამ პრობლემაზე მუშაობს. 2014 წლიდან დი კაპრიო გაეროს მშვიდობის ელჩის სტატუსსაც ატარებს. მან 3 მილიონ დოლარი შესწირა ველური ბუნების მსოფლიო ფნდს, ცოტა ხნის წინ კი 15 მილიონი გაიღო გრენლანდიაში სპეციალური სადგურის დასამონტაჟებლად, რომელიც თოვლის მასის დაგროვებას აკვირდება.
ლეო ხელგაშლილია საყვარელი ქალებისთვის საჩუქრების შერჩევისასაც.
ჯორჯ ლუკასი ფულს არ იშურებს საგანმანათლებლო ორგანიზაციებისთვის. “ვარსკვლავური ომების“ რეჟისორის აზრით, განათლება ადამიანური რასის გადარჩენის გასაღებია. შორეულ 1991 წელს საკუთარ ფონდში მან გახსნა პროგრამა Edutopia, 2006 წელს კი 175 მილიონი გადაურიცხა სამხრეთ კალიფორნიის უნივერსიტეტს, სადაც თავად მიიღო განათლება. მას შემდეგ, რაც 2012 წელს ჯორჯმა სტუდია Disney –ს მისი კომპანია, Lucafilm მიყიდა 4 მილიარდ დოლარად, თანხის დიდი ნაწილი ქველმოქმედებაზე დახარჯა. ლუკასმა არაერთხელ შეწირა თანხები ფონდებს Stand Up to Cancer და Make-A-Wish Foundation. მის გულუხვობაზე მეტყველებს ისიც, რომ აქციის– “ჩუქების ფიცი“ ფარგლებში რეჟისორმა პირობა დადო, რომ მისი ქონების ნახევარს ქველმოქმედებაში დახარჯავს.
ქველმოქმედებით არის დაკავებული ჯეი ზიც. დიზაინერული ნივთების გაყიდვით მან ! მილიონი შეაგროვა საკუთარი ფონდისთვის. ამ წლის დასაწყისში კი ცოლთან, ბიონსესთან ერთად გადაწყვიტა მისი ვეგანი თაყვანისმცემლებისთვის საჩუქარი გაეკეთებინა და საკუთარ კონცერტებზე სამუდამო უფასო ბილეთი გაათამაშა. რეპერი მდიდრულ საჩუქრებს ხშირად უკეთებს საკუთარ ცოლსაც. ბიონსემ ქმრისგა საჩუქრად მიიღო Birkin–ის $350 ათას დოლარიანი ჩანთა და 4 მილიონ დოლარიანი კუნძული. საქორწილო ბეჭედში კი, რომელიც თეთრი ოქროთი და 18 კარატიანი ბრილიანტით არის დამზადებული, ჯეი ზიმ 5 მილიონი დოლარი გადაიხადა.
ჯერ კიდევ 26 წლის ასაკში ფეისბუქის დამფუძნებელმაც დადო “ჩუქების ფიცი“ და მას შემდეგ ეწევა ქველმოქმედებას. მაგალითად, 25 მილიონი ვირუსების გავრცელების კონტროლის ცენტრს გადაურიცხა. 100 მილიონი ნიუარკის სასკოლო სისტემისთვის გაიღო. სან ფრანცისკოს საავადმყოფოს ერთ/ერთი კორპუსისთვის 75 მილიონის შეწირვის გამო კი დაწესებულებას მისი სახელი უწოდეს. თუმცა მთავარი ქველმოქმედება მარკ ცუკერბერგმა 2015 წელს მისი ქალიშვილის დაბადების შემდეგ ჩაიდინა. მან პირობა დადო, რომ კომპანია ფეისბუქის აქციებიდან მიღებული შემოსავლის 99%–ს ქველმოქმედებაზე დახარჯავს. იმ დროისთვის კომპანია 45 მილიარდად იყო შეფასებული. ცოლთან ერთად მან დააფუძნა ფონდი Chan Zuckerberg Initiative, რომელმაც არსებობის მანძილზე სხვადასხვა სამეცნიერო პროექტებისთვის 1,8 მილიარდი დოლარი დახარჯა.
