არასამთავრობო ორგანიზაცია “თავისუფალი ბაზრის” დამფუძნებლის, გიორგი ლომინაძის გადაცემა გირჩი TV-ზე მას შემდეგ დაიხურა, რაც მან სოციალურ ქსელში 14 წლის მოზარდის საქმეზე სტატუსი დაწერა. გავრცელებულ ინფორმაციას ადასტურებს ტელევიზიის ერთ-ერთი დამფუძნებელი გოგა ხაჩიძე.
newsreport.ge დაუკავშირდა ტელევიზიის ხელმძღვანელ გოგა ხაჩიძეს, იმის გასარკვევად, უკავშირდებოდა თუ არა გადაცემის დახურვის გადაწყვეტილება ლომინაძის მიერ გამოქვეყნებულ სტატუსს:
“დიახ, გირჩი ტვ არის კერძო კომპანია, თავისი კონრეტული დამფუძნებლებით და როგორც ლომინაძის გადაცემის დაწყება, ასევე დამთავრებაც ჩვენი (დამფუძნებლების) გადაწყვეტილება იყო და ასე გადავწყვიტეთ.” – აცხადებს გოგა ხაჩიძე.
პოსტი, რომელიც მან ჯგუფში დაწერა და ჯგუფის წევრების კრიტიკა დაიმსახურა, მალევე დარეპორტდა და ამ დროისთვის სოციალურ ქსელში აღარ იძებნება.
