”პირდაპირი ფრენებით თუ პირდაპირი ფრენების გარეშე, ყოველგვარი ფილტრის გარეშე საქართველოში მტრული სახელმწიფოს, რუსეთის მოქალაქეების დიდი რაოდენობით შემოსვლა ეროვნული ინტერესებისთვის არის საფრთხე. საფრთხეა, მათ შორის, იმის გამოც, თუ როგორ ცდილობს რუსეთი სანქციებისთვის გვერდის ავლის დაორგანიზებას.
ამას გარდა, ჩვენი ეროვნული ინტერესებისთვის მტრულია ის მოტივი, რის გამოც პუტინის რეჟიმი ივანიშვილის რეჟიმს ლავროვის პირით აქებს და ფრენების აღდგენით ახალისებს. ისინი მიესალმებიან საქართველოს დასავლეთისგან იზოლაციას, რუსეთისგან საქართველოს დაუცველად დატოვებას და ამას ახალისებენ. ნებისმიერი საკითხი, სადაც საქართველო გამოჩნდება უკრაინის ხელისუფლებასთან დაპირისპირებაში, დასავლეთთან დაპირისიპირებაში, მორალური ზიანის გარდა, ჩვენთვის პრაგმატულად საზიანოა. ეს საზიანოა ჩვენი უსაფრთხოებისთვის დღეს, ხვალ და უახლოეს მომავალში.”
ამბობს ევროპული საქართველოს თავმჯდომარე, გიგა ბოკერია.
