ნაციონალური მოძრაობის წევრის, ეკა ხერხეულიძის თქმით, გერმანიაში დაკავებული საქართველოს შეიარაღებული ძალების გაერთიანებული შტაბის ყოფილი ხელმძღვანელი, გიგი კალანდაძე თავისუფალია. ამის შესახებ ხერხეულიძე სოციალურ ქსელში წერს.
“საქართველოს მთავრობა. გენერალი გიგი კალანდაძე თავისუფალია. ვიზიარებ თქვენს მწუხარებას”,-წერს ეკა ხერხეულიძე.
გენერალი გიგი კალანდაძე გერმანიაში 19 დეკემბერს დააკავეს. მას საქართველოში ბრალი ელბერტ კობერიძის წამებაზე 2015 წელს წარუდგინეს, მას შემდეგ კალანდაძე საქართველოში არ ყოფილა. ის უკრაინის მოქალაქეა. საქართველოს გენერრალური პროკურატურა გიგი კალანდაძის ექსტრადაციას ითხოვდა.
