საქართველოს მთავრობის საპარლამენტო მდივანი სააკაშვილის ხელისუფლების დროს, საბურთალოს რაიონის ყოფილი გამგებელი, გია ხუროშვილი წლებია ამერიკაში ცხოვრობს. ის კორონავირუსით დაინფიცირდა. საკუთარი გამოცდილების შესახებ ხუროშვილი ფეისბუქ გვერდზე წერს:
“კორონავირუსთან ბრძოლის 10 დღე დღეს დასრულდა, ეს საზიზღარი ვირუსიც კი ემორჩილება გარკვეულ კანონზომიერებას და დაიწყო უკან დახევა.
აღარ დავიწყებ სიმპომების შესახებ მოყოლას, რადგან 10 დღეში ყველა სიმპტომი მქონდა, რაც ამ ვირუსს ახასიათებს.
საჭიროდ ვთვლი არ დავმალო და გაგიზიაროთ ჩემი გამცდილება:
იყავით იზოლირებული და თავად იზრუნეთ თქვენს ჰიგიენაზე, ოთახის დალაგებიდან დაწყებული ჭურჭლის დარეცხვით, რომ ოჯახის წევრებს აარიდოთ კონტაქტი.
ოთახი, სადაც იმყოფებით, სისტემატიურად გაანიავეთ, თუნდაც ციოდეს.
დანაყული ნიორი, მუდმივად გედგათ თავთან და ცვალეთ 24 საათში ერთხელ, ეს არის ბუნებრივი ანტისეპტიკი და სუნთქვას გაგიადვილებთ!
ძალიან ბევრი სითხე მიიღეთ, მათ შორის ელექტროლიტები!…
ვიტამინი C , დღეში 2 ჯერ ( სულ 2000 მგ) , ასევე ცინკი და ეცადეთ იკვებოთ სრულყოფლად….
თუ გაწუხებთ წნევა, ან სხვა ქრონიკლი დაავადებები მიმართეთ ექიმს და მიიღეთ ის წამლები რასაც ექიმი დაგინიშნავთ.
ეკონტაქტეთ მხოლოდ პოზიტიურ ადამიანებს…
მოლედ ბევრის წერის თავი არ მაქვს, მაგრამ ამ კორონასაც გადავაგორებთ, მთავარია ადამიანებმა გადააფასონ ღირებლებები!…
გისურვებთ ჯანმრთელობას!….“– წერს გია ხუროშვილი.
