თბილისი-რუსთავის მაგისტრალზე სპეცოპერაცია მიმდინარეობს. ადგილზე მობილიზებულია კრიმინალური პოლიცია და მიმდინარეობს ერთ-ერთი ავტომობილის ჩხრეკა.
სამართალდამცველებმა სავარაუდოდ ერთი პირი დააკავეს. შსს-ს მომხდარზე ამ დრომდე არ გაუკეთებია ოფიციალური განცხადება, თუმცა გავრცელებული ინფორმაციით, სპეცრაზმელებმა თეთრი ფერის BMW-ს მარკის ავტომანქანიდან დიდი რაოდენობით ფული და ნარკოტიკული საშუალება ამოიღეს.
