მე რომ ვყოფილიყავი მებაჟე, არ გავუშვებდი – აცხადებს საზღვრის უკანონო კვეთის საქმეში ბრალდებული ელგუჯა ცომაია, საქართველოს მესამე პრეზიდენტეზე, მიხეილ სააკაშვილზე. ცომაია დეტალურად ყვება, როგორ გადმოიყვანა მიხეილ სააკაშვილი საქართველოში. მისი თქმით, გემზე დალუქული ტრაილერი ისე გახსნა, რომ ლუქის ნიშანი არ დააზიანა და შიგნით მიხეილ სააკაშვილი დამალა.
პროკურორის კითხვაზე: ”მებაჟეც ისე დაადებდა ამ კარს ლუქს, რომ არ დაზიანდებოდა იგი და თქვენც ისე გააღებდით კარს, რომ არ დაზიანდებოდა ლუქი, სწორად გავიგე?”
ელგუჯა ცომაიამ პასუხობს: “კი, რა თქმა უნდა, მაგრამ ჩემი გამოცდილებით, ახლა, არ გეწყინოთ, მაგრამ მე რომ ვყოფილიყავი მებაჟე, არ გავუშვებდი, იმიტომ რომ მე გამოცდილება მაქვს ბევრი რაღაცის”.
საზღვრის უკანონოდ კვეთის ბრალდებით სააკაშვილთან ერთად, იმავე მუხლით ბრალდებულია ელგუჯა ცომაია.
