ტელეკომპანია “იმედი” განცხადებას ავრცელებს სადაც ნათქვამია, რომ ოფიციალური წერილით „მეტას“ მიმართეს, თუმცა ადმინისტრაციისგან პასუხს ვერ იღებენ თუ რატომ აღარ არის ხელმისაწვდომი “იმედის” ოფიციალური ფეისბუქ გვერდი.
“დღეს, 28 ივნისის საღამოს ხუთი საათიდან სოციალურ ქსელ „ფეისბუკში“ ტელეკომპანია „იმედის“ გვერდზე საჯაროდ წვდომა შეზღუდულია. გვერდი ხელმისაწვდომია მხოლოდ მისი „ადმინებისათვის”. საყურადღებოა, რომ არანაირი გაფრთხილება აღნიშნულის შესახებ გვერდს არ მიუღია.
„იმედმა“ ოფიციალური წერილით მიმართა ტექნოლოგიურ კომპანია „მეტას“, თუმცა, კომპანიის ადმინისტრაციაში ამ დრომდე ვერ გვპასუხობენ კითხვაზე, რატომ აღარ არის ხელმისაწვდომი “იმედის” ოფიციალური გვერდი. ჩვენ განგვიმარტეს, რომ “ტელეიმედის” მოთხოვნა გადაცემულია სპეციალური ჯგუფისთვის, რომელიც კომპანიაში მსგავს საკითხებს სწავლობს და ვარაუდობენ, რომ პრობლემის აღმოფხვრა უახლოეს პერიოდში მოხერხდება.
ჩვენი “ფეისბუკგვერდის”აღდგენამდე ახალ ამბებს შეგიძლიათ თვალი ადევნოთ “იმედის” ვებ-გვერდზე – „იმედი.ჯი”, „იმედიუნიუს.ჯი“ და „იმედის“ იუთუბ არხზე.
სოციალურ ქსელებში გამოჩნდა არაერთი გვერდი, რომელიც “ფეისბუკზე” ბოლო საათების განმავლობაში “მაუწყებლობს” იმედის სახელით. არც ერთ მათგანს არანაირი შეხება “იმედთან” არ აქვს და ყველა მათგანი არის ყალბი, ე. წ. “ფეიკგვერდი”.- წერს იმედი
ტელეკომპანია “იმედის” ფეისბუქ გვერდი სოციალურ ქსელში უკვე რამდენიმე საათია აღარ იძებნება.
