უკრაინის სახალხო დამცველი, ლუდმილა დენისოვა რუსი ოკუპანტების მიერ ჩადენილი სისასტიკის ფაქტებს ყვება, რომლის შესახებაც დასახლებების გათავისუფლების შემდეგ შეიტყვეს.
“კიევის ოლქის სოფელ მაკარივში 80 წლის მამაკაცს ქალიშვილის თვალწინ ხელები მოკვეთეს. ის მიყენებული ჭრილობებით გარდაიცვალა.
ირპენში 20 წლის ორსული ქალი ორმა რასისტმა გააუპატიურა. მან დაკარგა შვილი.
ხერსონის რაიონში 60 წლის მამაკაცი ქალიშვილის თანდასწრებით კონდახებითა და ჯოხებით სცემეს
ჩერნიგოვის რაიონის სოფლების იაგიდესა და ლუკაშივკას ოკუპაციის დროს რუსმა დამპყრობლებმა თავიანთი შტაბი ამაღლების ეკლესიაში შექმნეს. იქ აღმოაჩინეს ადამიანების ცხედრები, სავარაუდოდ, ადგილობრივები, რომლებიც რუსმა სამხედროებმა დახოცეს”,– წერს დენისოვა.
მისი შეფასებით, ოკუპირებულ ტერიტორიებზე მშვიდობიანი მოსახლეობის ტერორი, არასათანადო მოპყრობა და მკვლელობა არის ომის დანაშაული.
სახალხო დამცველი მიმართავს გაეროს ადამიანის უფლებათა დარღვევის საგამოძიებო კომისიასა და ეუთოს ექსპერტთა მისიას, გაითვალისწინონ უკრაინაში სამხედრო დანაშაულებისა და კაცობრიობის წინააღმდეგ ჩადენილი დანაშაულების ეს ფაქტები.
