უკრაინის თავდაცვის მინისტრის მოადგილემ, ანა მალიარმა განაცხადა, რომ ომის ორი თვის განმავლობაში რუსეთმა გაანახევრა რაკეტების მარაგი. მის კომენტარს UNIAN ავრცელებს.
მალიარის განმარტებით, რუსები რაკეტების მარაგის აღდგენას ცდილობენ, მაგრამ ამისთვის წლები დასჭირდებათ.
“იგივე ეხება სხვა იარაღს. რადგან ისინი იყენებდნენ სხვა ქვეყნებიდან კომპონენტებს მათი ზოგიერთი იარაღისთვის, სანქციების დაწესების შემდეგ რთული იქნება მისი [მარაგების] აღდგენა”, – თქვა მალიარმა.
მისივე განცხადებით, რუსებმა, ჯარის გამოფიტვის მიუხედავად, არ თქვეს უარი უკრაინის მთელი ტერიტორიის აღების მიზანზე.
