რუსულმა ჯარმა ორშაბათს ვერცერთი მიმართულებით მნიშვნელოვანი წინსვლა ვერ შეძლო, რადგან მას აღარ აქვს უნარი ლოჯისტიკური პრობლემები გადაწყვიტოს – ნათქვამია ომის შესწავლის ინსტიტუტის ინფორმაციაში.
რუსული ჯარი განაგრძობდა კიევის ჩრდილო–დასავლეთიდან და ჩრდილო–აღმოსავლეთიდან დაბომბვას და თავდაცვითი პოზიციების გამაგრებას, თუმცა დიდი შეტევითი ოპერაციები არ ჩაუტარებია – ამბობს ამერიკული ანალიტიკური ცენტრი.
#Russian forces northwest and northeast of #Kyiv continued to shell the city and strengthen defensive positions today but did not conduct major offensive operations. Read the full report from @TheStudyofWar and @criticalthreats:https://t.co/GdMBA9PhCz pic.twitter.com/cvL9mHqZfQ
— ISW (@TheStudyofWar) March 21, 2022
ბოლო 24 საათის განმავლობაში რუსეთს არანაირი შეტევითი ქმედება არ ქონია ჩერნიგოვის, სუმის და ხარკოვის მიმართულებით, ასევე არანაირი წინსვლა არ ყოფილა ხერსონის მიმართულებით.
მეორეს მხრივ, ინსტიტუტის აზრით მარიუპოლში რუსულმა ძალებმა “ნელ, მაგრამ მყარო პროგრესს მიაღწიეს“ სამოქალაქო ინფრასტრუქტურის ინტენსიური დაბომბვის ხარჯზე. ომის ინსტიტუტის აზრით მარიუპოლი უახლოესი რამდენიმე კვირის მანძილზე დაეცემა.
გარდა ამისა, ინსტიტუტი აცხადებს, რომ რუსეთი იძულებული გახდა ფრონტზე “დაბალხარისხიანი“ საბრძოლო რეზერვები გადაესროლა, მათ შორის მოუმზადებელი ქვედანაყოფები შორეული აღმოსავლეთიდან, რათა მოწინავე საბრძოლო ნაწილებში დანაკარგები შეევსო.
