უკრაინის ხელისუფლება აქვეყნებს ფოტოებს, რომლებზეც კარგად ჩანს ზაპოროჟიეში რუსეთის სარაკეტო დარტყმების შედეგად დანგრეული შენობები. მაშველები ნანგრევებში ადამიანებს კვლავ ეძებენ. ზაპოროჟიეს საოლქო ადმინისტრაციის მეთაურის ინფორმაციით წუხანდელი სარაკეტო დარტყმების შედეგად 12 ადამიანი გარდაიცვალა. მანამდე ვრცელდებოდა ინორმაცია 17 დაღუპულის შესახებ. ალექსანდრ სტარუხის ინფორმაციით დაშავდა კიდევ 49 ადამიანი. მათ შორის 6 ბავშვია.
“წუხელ მტერმა ტაქტიური ავიაცია გამოიყენა საოლქო ცენტრზე სარაკეტო დარტყმისთვის. წინასწარი ინორმაციით ზაპოროჟიეს 12 რაკეტა ესროლეს. რაკეტების უმრავლესობა საცხოვრებელ მრავალსართულიან და კერძო სახლებს მოხვდა ზაპოროჟიეს ერთ–ერთ რაიონში. ნაწილობრივ დანგრეულია 9 სართულიანი სახლი. დანგრეულია 5 კერძო სახლი. დაზიანდა ინფრასტრუქტურის ობიექტები. დაზიადა 20 ავტომობილი“– წერს სტარუხი.
