მოსკოვში, კომუნარკის რაიონის საავადმყოფოს მთავარ ექიმს, დენის პროცენკოს COVID-19 დაუდგინდა. 24 მარტს კომუნარკის საავადმყოფოში ვიზიტით ვლადიმერ პუტინი იმყოფებოდა, რა დროსაც იგი პროცენკოს შეხვდა.
პროცენკო თავისივე კლინიკაში მკურნალობს, რომელიც კორონავირუსის მკურნალობაზეა სპეციალიზებული. საავადმყოფოს ექიმები ამბობენ, რომ მთავარი ექიმის დაინფიცირებას მათი მუშაობის შეფერხება არ გამოუწვევია. მედპერსონალი მუდმივად გადის ტესტირებას.
რუსული მედიის ცნობით, დენის პროცენკო ამჟამად თავს კარგად გრძნობს. დამატებითი ინფორმაცია ჯერჯერობით არ ვრცელდება.
