თბილისიდან გურჯაანში, სოფელ კარდენახში დაკრძალვაზე ჩასულ 19 წლის ახალგაზრდას კორონავირუსი დაუდგინდა.
გურჯაანის მუნიციპალიტეტის მერიის განცხადებით, დაკრძალვა 19 მარტს იყო და ახალგაზრდა სოფელში თბილისიდან ჩავიდა.
დაკრძალვაზე ახალგაზრდას 30-მდე ადამიანთან ჰქონდა კონტაქტი, რომელთა მოძიებაც ამ დროისთვის მიმდინარეობს.
,,გურჯაანის საზოგადოებრივი ჯანმრთელობის დაცვის სამსახურის ეპოდემიოლოგები, მერიის ზედამხედველობის სამსახურთან, პოლიციასთან და შესაბამის სხვა უწყებებთან ერთად აქტიურად მუშაობენ აღნიშნული პიროვნების კონტაქტების დადგენაზე”,- წერია მერიის განცხადებაში.
საქართველოში ოფიციალური მონაცემებით კორონავირუსი 110 ადამიანს აქვს დადასტურებული. აქედან 21 გამოჯანმრთელდა.
