კომუნიკაციების კომისიის ცნობით, მიმდინარე წლის 1-ელ კვარტალში, წინა წლის ანალოგიურ პერიოდთან შედარებით, როგორც ტელე, ისე რადიომაუწყებლებს გაეზარდათ კომერციული სარეკლამო შემოსავლები. მხოლოდ ტელევიზიებმა, ჯამურად, 25,6 მილიონი მიღეს. თანხის თითქმის 90% პირდაპირ რეკლამაზე მოდის.
დიდი ბრიტანეთის მიერ სანქცირებულმა ტელეკომპანია იმედმა 2026 წლის I კვარტალში “მეამას”, “ავენიუ ბაი ორბის” და “ანაგის” რეკლამებიდან ნახევარ-ნახევარ მილიონ ლარზე მეტი მიიღო.
“შპს “მეამას” (405139425) 85%-იანი წილის მფლობელი ბიზნესმენი სულიკო ვარსემაშვილია. ამ კომპანიის 10%-იან წილს — თამაზ ხარაიძე, 5%-ს კი გიორგი ჭელიძე ფლობს.
“ანაგის” (245416401) 100%-იანი წილის მფლობელი ნანა აროშიძეა, ხოლო წილის მმართველი — ზაზა გოგოტიშვილი. კომპანიის დირექტორმა ირაკლი გოგოლიშვილმა ქართულ ოცნებას 2023-2025 წლებში 180 000 ლარი შესწირა.
“ავენიუ ბაი ორბის” (445488749) მფლობელი ზაზა ზოიძის საკუთრებაში არსებული “ორბი ჯგუფი ბათუმია”, — წერს “მედიაჩეკერი”.
თითოეულმა მათგანმა “იმედზე” რეკლამის განთავსებისთვის, მხოლოდ 2026 წლის 1-ელ სამ თვეში, ნახევარ მილიონ ლარზე მეტი დახარჯეს.
- სარეკლამო შემოსავლების მიხედვით ტელეკომპანიების პირველი ხუთეული ასე გამოიყურება:
1. იმედი — ₾9,8 მლნ;
2. რუსთავი 2 — ₾7,2 მლნ;
3. პოსტვ — ₾1,9 მლნ;
4. ტვ პირველი — ₾975 ათასი;
5. ფორმულა — ₾936 ათასი;
