რუსი ოკუპანტების მიერ 15 მაისს, გორის მუნიციპალიტეტის სოფელ წითელუბნის მიმდებარედ დაკავებული საქართველოს 2 მოქალაქე თავისუფალია. აცხადებს, სახელმწიფო უსაფრთხოების სამსახური.
“უკანონოდ დაკავებული საქართველოს მოქალაქეების გათავისუფლების პროცესში აქტიურად გამოიყენებოდა ცენტრალური ხელისუფლების ხელთ არსებული ყველა რელევანტური ინსტრუმენტი, მათ შორის, საქართველოში ევროკავშირის სადამკვირვებლო მისიის (EUMM) მიერ მართული “ცხელი ხაზი”.
სახელმწიფო უსაფრთხოების სამსახური განაგრძობს აქტიურ მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად.” – წერია უწყების განცხადებაში.
