ამერიკის შეერთებული შტატების სახელმწიფო მდივანი, მარკო რუბიო აშშ–ის სახელით ქართველ ხალხს დამოუკიდებლობის დღეს ულოცავს. ამის შესახებ ის განცხადებას ავრცელებს:
“ამერიკის შეერთებული შტატების სახელით ვულოცავ ქართველ ხალხს ეროვნულ დღეს.
ეს წელი ახალ შესაძლებლობებს ქმნის ამერიკელ და ქართველ ხალხებს შორის მეგობრული კავშირების გასაღრმავებლად და ჩვენი ორივე ქვეყნისთვის მეტი უსაფრთხოებისა და კეთილდღეობის მისაღწევად.
შეერთებული შტატები ურყევად უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. ჩვენ ვდგავართ ქართველი ხალხის გვერდით, როდესაც ის ცდილობს ხანგრძლივი უსაფრთხოების, თავისუფლებისა და დამოუკიდებლობის მიღწევას. შეერთებული შტატები ერთგულია პარტნიორობისა, რომელიც შეესაბამება საქართველოს მისწრაფებებს უსაფრთხო და კეთილდღე მომავლისკენ.“– ნათქვამია განცხადებაში.
