ამერიკული სტრატეგიული ბომბდამშენი Boeing B-52, რომელიც „სტრატოსფერული ციხესიმაგრის“ სახელითაც არის ცნობილი, ორშაბათს, 15 ივნისს, ლოს-ანჯელესის ჩრდილოეთით ჩამოვარდა. ამის შესახებ აშშ-ის საჰაერო ძალების „ედვარდსის“ ავიაბაზის ხელმძღვანელობამ პრესრელიზში განაცხადა.
ბორტზე რვა ადამიანი იმყოფებოდა. „წინასწარი შეფასებით, ავიაკატასტროფის დროს გადარჩენა შეუძლებელი იყო“, — ნათქვამია ტექსტში.
თვითმფრინავი აფრენიდან მალევე, ადგილობრივი დროით 11:20 საათზე ჩამოვარდა. შემთხვევის ადგილზე საგანგებო სამსახურები მუშაობენ, მიმდინარეობს ტრაგედიის მიზეზების გამოძიება.
B-52 ცივი ომის დასაწყისში შეიქმნა
B-52 ბომბდამშენი 1950-იან წლებში, აშშ-სა და საბჭოთა კავშირს შორის ცივი ომის პიკზე შეიქმნა. თვითმფრინავს ატომური ბომბების ჩამოგდება შეუძლია.
CNN-ის მონაცემებით, B-52-თან დაკავშირებული ბოლო ფატალური ინციდენტი 2008 წელს, წყნარ ოკეანეში, გუამის კუნძულთან მოხდა. მაშინ აშშ-ის არმიის ექვსი სამხედრო მოსამსახურე დაიღუპა.
