დენის კულანინი საქართველოს ტოვებს, ის უახლოეს საათებში მის მიერ არჩეულ მესამე ქვეყანაში გაემგზავრება.
„უფლებები საქართველოს” ცნობით, თბილისის აეროპორტში ის უკვე გამოემშვიდობა მის უფლებადამცველებსა და გულშემატკივრებს.
„უფლებები საქართველოს“ ცნობით, დღეს, 4 სექტემბერს, თბილისის საქალაქო სასამართლოს მოსამართლემ, ლეილა ფოლადაშვილმა ზეპირი მოსმენის გარეშე განიხილა და დააკმაყოფილა შინაგან საქმეთა სამინისტროს მიგრაციის დეპარტამენტის შუამდგომლობა შეწყალებული დენის კულანინის საქართველოს ტერიტორიიდან გაძევების შესახებ.
მას საქართველოს ტერიტორიის ნებაყოფლობით დასატოვებლად 7 დღე განესაზღვრა.