არსებობს ბევრი მარტივი ჰობი, რომელსაცსიცოცხლის გახანგრძლივება შეუძლია. კითხვითა და მუსიკის მოსმენით თქვენი ტვინის აქტიურობის შენარჩუნებიდან დაწყებული, ყოველდღიურ აქტივობებამდე, როგორიცაა მებაღეობა ან გაჭიმვა. გთავაზობთ ექსპერტების რჩევებს ჯანსაღი აქტივობების შესახებ, რომლებიც გააუმჯობესებს თქვენს ჯანმრთელობას.
მებაღეობა
კვლევამ აჩვენა, რომ ისინი, ვინც მებაღეობა–მებოსტნეობით არიან გატაცებულნი, ნაკლებად ექვემდებარებიან სტრესს და უფრო დიდხანს ცოცხლობენ. ეს კვლევა სიურპრიზი არ ყოფილა დღეგრძელობის ექსპერტის, დენ ბუეტნერისთვის, რომელიც წიგნის – ლურჯი ზონების ავტორია.„თუ მებაღეობთ,ესეიგი უმეტეს დღეებში ეწევით დაბალი ინტენსივობის ფიზიკურ აქტივობას და რეგულარულად მუშაობა შეგიძლიათ“. გარდა ამისა, ექიმი ამბობს. ბრედლი უილკოქსი, ჰავაის უნივერსიტეტის გერონტოლოგი, „მებაღეობა გაძლევს ძალას და სურვილს, ყოველდღე ხალისით ადგე საწოლიდან“.
კითხვა
„ხანდაზმულებმა, განურჩევლად სქესის, ჯანმრთელობის მდგომარეობის, სიმდიდრისა თუ განათლებისა, არაერთ კვლევაში დაამტკიცეს, რომ წიგნების კითხვით მათი მდგომარეობა და სიცოცხლის ხანგრძლივობა უმჯობესდება.“- ამბობს ბეკა ლევი, იელის საზოგადოებრივი ჯანდაცვის სკოლის ეპიდემიოლოგიისა და ფსიქოლოგიის პროფესორი. ”ჩვენ ვიცით, რომ კითხვა მოიცავს ორ კოგნიტურ პროცესს, რომლებსაც შეუძლია დაგეხმაროს უფრო დიდხანს იცხოვრო: ნელი და ღრმა ჩართულობა, რომელიც საჭიროა ტექსტის შინაარსთან დასაკავშირებლად და თანაგრძნობის, სოციალური აღქმისა და ემოციური ინტელექტის განვითარება.”
მუსიკა
Johns Hopkins Medicine-ის წარმომადგენლების თქმით, „თუ გსურთ თქვენი ტვინის აქტიურობა შეინარჩუნოთ დაბერების პროცესში, მუსიკის მოსმენა ან დაკვრა შესანიშნავი ინსტრუმენტია. ეს უზრუნველყოფს ტვინის სრულ ვარჯიშს. კვლევებმა აჩვენა, რომ მუსიკის მოსმენას შეუძლია შეამციროს შფოთვა, არტერიული წნევა და ტკივილი, ასევე გააუმჯობესოს ძილის ხარისხი, განწყობა, გონებრივი სიფხიზლე და მეხსიერება. სინამდვილეში, ერთმა კვლევამ აჩვენა, რომ კონცერტებზე რეგულარულ დასწრებას შეუძლია თქვენი სიცოცხლის გახანგრძლივება ათი წლით!
ცეკვა
“ცეკვა ძირითადად დაკავშირებულია ფიზიკურ ჯანმრთელობასთან”, – განმარტავს ბრიტანეთის გულის ფონდი. მაგრამ როდესაც ცეკვავთ, თქვენ კოორდინირებულად ამოძრავებთ თქვენი სხეულის სხვადასხვა ნაწილს და ეს ააქტიურებს ტვინის რამდენიმე ნაწილს. ეს ყოველთვის პლუსია ასაკთან დაკავშირებულ დაავადებებთან ბრძოლაში, როგორიცაა დემენცია.
გაჭიმვა
ექსპერტების თქმით „კვლევამ აჩვენა, რომ იოგას შეუძლია ხელი შეუწყოს არტერიული წნევის შემცირებას, გულისცემის შენელებას, სტრესის შემცირებას და ტვინში სასიამოვნო ქიმიკატების გამოყოფას. ამიტომ გასაკვირი არ არის, რომ იოგას შეუძლია გააუმჯობესოს თქვენი ჯანმრთელობა და დღეგრძელობა.”
