“ამ ვითარებაში, როდესაც ჩვენი მოქალაქეები არიან უკიდურესად დასტრესილები, დაზაფრულები, საარჩევნო პროცესის წარმოება შეუძლებელია. შესაბამისად, მე მივიღე გადაწყვეტილება, შევაჩერო ჩემი მონაწილეობა რუსთავის შუალედურ არჩევნებში, და მოვუწოდებ ხელისუფლებას, გადადოს 2 აპრილის არჩევნები, რადგან პრაქტიკულად საგანგებო მდგომარეობაში შეუძლებელია ნორმალური საარჩევნო პროცესის წარმართვა. ჩვენ ხელისუფლებისგან განხვავებით კარგად გვესმის, რომ უკრაინაში წყდება საქართველოს თავისუფლების ბედიც, შესაბამისად, ყველა რესურსი, მათ შორის სახელმწიფო რესურსი უნდა იყოს მობილიზებული უკრაინის დასახმარებლად, ჩვენ მტკიცე პასუხი უნდა გავცეთ პუტინს და მის მარიონეტებს, რომლებიც, სამწუხროდ, მრავლად არიან საქართველოს ხელისუფლებაში დღეს”
თქვა რუსთავის შუალედურ არჩევნებზე ლელოსა და ოპოზიციის ნაწილის კანდიდატმა, ბადრი ჯაფარიძემ ბრიფინგზე.
