“ფორმულას” ინფორმაციით, BBC Studios-მა დიდი ბრიტანეთის სანქციების შემდეგ იმედის ტელევიზიას “ცეკვავენ ვარსკვლავების” ფორმატის ლიცენზია შეუწყვიტა.
ლიცენზიის შეწყვეტის შესახებ წერილი “იმედს” 27 თებერვალს გაუგზავნეს.
ფორმულა კომენტარისთვის ტვ “იმედის” გასართობი გადაცემების მთავარ პროდიუსერ, ნოე სულაბერიძეს დაუკავშირდა, რომელმაც კითხვას პასუხი არ გასცა.
“ვინ ბრძანდებით, წარმოადგინეთ თქვენი თავი, კითხვას რომ მისვამთ. იქნებ ყველას არ ველაპარაკები. ცოტა გვიან დამირეკეთ, რა, უდროო დროს მირეკავთ”, – უთხრა მან ფორმულას.