გურიაში მდებარე კურორტ გომისმთისკენ მიმავალ ცენრტალურ გზაზე მეწყერი ჩამოწვა. მიწის მასა საჭვეთას ტერიტორიაზე ჩამოიშალა. გარკვეული დროით, ადგილზე ყველა სახის ავტოტრანსპორტის მოძრაობა აიკრძალა.
“შიდასახელმწიფოებრივი მნიშვნელობის ოზურგეთი-შემოქმედი-ბჟუჟჰესი-გომისმთის საავტომობილო გზის მე-16 კმ-ზე ძლიერი ნალექის შედეგად მიწის მასა ჩამოვიდა, რის გამოც აღნიშნულ მონაკვეთზე დროებით, შესაბამისი ღონისძიებების გატარებამდე, აკრძალულია ყველა სახის ავტოტრანსპორტის მოძრაობა”. – წერია საავტომობილო გზების დეპარტამენტის განცხადებაში.