4 ოქტომბრის საქმეზე ბრალდებული, სპორტსმენი გიორგი კირვალიძე 7-დღიანი ადმინისტრაციული პატიმრობის ვადის ამოწურვის შემდეგ, გურჯაანის იზოლატორის დატოვებისთანავე დააკავეს. როგორც მის მიერ სოციალურ ქსელში გავრცელებულ ინფორმაციაშია ნათქვამი, გიორგი კირვალიძეს მოსამართლის შეურაცხყოფას ედავებიან.
„გიორგი კირვალიძე დააკავეს 7 – დღიანი პატიმრობის მოხდის მერე გურჯაანის იზოლატორის დატოვებისას. მას ედავებიან მოსამართლის შეურაცხყოფას და ახსენეს სისხლის სამართლის პასუხისგება“,- აღნიშნავს თამუნა გიორგაძე.
როგორც მას პოლიციელებმა განუმარტეს, ის ამჯერად დაკავებულია სისხლის სამართლის კოდექსის 366-ე მუხლის (სასამართლოს უპატივცემულობა) მე-2 ნაწილით (მოსამართლის შეურაცხყოფა), რაც 2 წლამდე ვადით პატიმრობას ითვალისწინებს.
ცნობისთვის, კირვალიძე ბოლო 7 დღე იზოლატორში სასჯელს ბიძინა ივანიშვილის გინებისთვის იხდიდა.