ევროპის მასშტაბით ოთხი თვითმფრინავი ბომბის საფრთხის გამო ავარიულად დაეშვა , – ინფორმაციას The Guardian-ი ავრცელებს.
ბომბის საფრთხის შესახებ შეტყობინებების მიღების შემდეგ ორი თვითმფრინავი პოლონეთში დაეშვა, ერთი დიდი ბრიტანეთიდან, ხოლო მეორე დანიიდან მიფრინავდა.ამასთანავე, ერთი თვითმფრინავი, რომელიც ისრაელიდან მიფრინავდა, შეტყობინების მიღების შემდეგ ბულგარეთში დაეშვა.კიდევ ერთი თვითმფრინავი ესპანეთში, მურსიას აეროპორტში დაეშვა.
გამოცემა წერს, რომ ბომბის არსებობა რომელიმე რეისზე, დადასტურებული არ არის. ინციდენტების გამო უსაფრთხოების სამსახურები თვითმფრინავების შემოწმებას აგრძელებენ. The Guardian წერს, რომ მსგავსი გაფრთხილება წინა დღესაც დაფიქსირდა.
ვარშავა-მოდლინის აეროპორტმა მუშაობა განაახლა, ხოლო დანარჩენ თვითმფრინავებს შესაბამისი უსაფრთხოების სამსახურები ამოწმებენ.