ადვოკატი ალექსანდრე კობაიძე აცხადებს, რომ აპირებს რუსთავში მაჟორიტარ დეპუტატად კენჭი იყაროს. კობაიძე არ აკონკრეტებს, რომელიმე პარტიის სახელით მიიღებს არჩევნებში მონაწილეობას, თუ დამოუკიდებელ დეპუტატად.
“ვაპირებ რუსთავის მაჟორიტარ დეპუტატობის კანდიდატად ჩემი თავის წარდგენას. ვიცი ბევრს არ გაგიხარდებათ, მაგრამ ვისაც გაუხარდება ჩემი მაჟორიტარობა იქნება გარანტი, რომ რუსთაველების პრობლემების მოსაგვარებლად შევძრავ მთელ პარლამენტს, სანამ კონკრეტული პრობლემების გადაჭრა არ მოხდება. ჩემი მეშვეობით პარლამენტში იქნება ტრიბუნა, რითაც ყველა რუსთაველს შეეძლება ჩვენი ქალაქის განვითარებისთვის ნებისმიერი პრობლემის/იდეის გაჟღერება. მოკლედ არჩევანი თქვენზეა.
P.S. თუ არადა ვიაროთ ერთ წრეზე….”,– წერს კობაიძე ფეისბუქის პირად გვერდზე.
ცნობისთვის, ადვოკატი ალექსანდრე კობაიძე მრავალ გახმაურებულ საქმეშია ჩართული. მათ შორის, ის იცავს კანონიერი ქურდის, ლავასოღლის ინტერესებს. ასევე, არის გიორგი შაქარაშვილის საქმეში ბრალდებული რაგბისტების ადვოკატი.