ალექსეი ნავალნის პრესსპიკერი კირა იარმიში სოციალურ ქსელ „ტვიტერში“ წერს, რომ ექიმები ამ დრომდე ჰპირდებოდნენ, რომ ნავალნის გერმანიაში გადაყვანის უფლებას მისცემდნენ, თუმცა ბოლოს უარი უთხრეს.
„ექიმები ამ დრომდე აცხადებდნენ, რომ ტრანსპორტირების უფლებას მოგვცემდნენ, რის გამო ჩვენ ორგანიზება უმოკლეს დროში განვახორციელეთ. ახლა კი, ბოლო მომენტში, ექიმები ამის ნებას არ გვრთავენ. ეს გადაწყვეტილება, რა თქმა უნდა, არა მათი, არამედ კრემლის მიღებულია“, – წერს კირა იარმიში.
შეგახსენებთ, რომ ექიმების ინფორმაციით, ნავალნი მძიმე მდგომარეობაშია და კომაში იმყოფება. ნავალნის პრესსპიკერმა განაცხადა, რომ ის მძიმე ნივთიერებით მოწამლეს.