პროკურატურა აცხადებს, რომ 4 ოქტომბრის საქმეზე სტრატეგიული და განსაკუთრებული მნიშვნელობის მქონე ობიექტის ხელში ჩაგდების მცდელობის, ჯგუფური ძალადობის ორგანიზების, ხელმძღვანელობის და მასში მონაწილეობის, ასევე საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ საქვეყნოდ მოწოდებისთვის მსჯავრდებულებმა მურთაზ ზოდელავამ და ლაშა ბერიძემ “აღიარეს ჩადენილი დანაშაული, მოინანიეს და პროკურატურას საპროცესო შეთანხმების გაფორმების თაობაზე შესაბამისი განცხადებებით მომართეს”.
“ბრალდების მხარის პოზიცია აღნიშნულ საკითხთან დაკავშირებით, მაღალი საჯარო ინტერესის გათვალისწინებით, გადაწყვეტილების მიღებისთანავე ეცნობება საზოგადოებას” – აცხადებს პროკურატურა.
გავრცელებული ინფორმაციით, საპროცესო შეთანხმება ასევე ითხოვა 4 ოქტომბრის საქმეზე კიდევ ერთმა მსჯავრდებულმა, გური ჟვანიამ.
თბილისის საქალაქო სასამართლომ მურთაზ ზოდელავა და ლაშა ბერიძე 4 ოქტომბრის საქმეზე ჯგუფური ძალადობის ორგანიზებაში დამნაშავედ 7 მაისს ცნო და 7-7 წელი მიუსაჯა. გური ჟვანიას, მას 5 წელი აქვს მისჯილი – ჯგუფურ ძალადობაში მონაწილეობისთვის.