{{ARTICLEIMAGE}}
ევროკავშირმა, გაერთიანებული ერების ორგანიზაციამ და საქართველოს სახალხო დამცველმა ადამიანის უფლებათა დაცვის 2018 წლის კვირეული გახსნეს.
ადამიანის უფლებათა დაცვის საერთაშორისო დღის აღსანიშნავად ევროკავშირმა, გაერთიანებული ერების ორგანიზაციამ და სახალხო დამცველის აპარატმა ერთობლივი საკომუნიკაციო კამპანია დაიწყეს.
ადამიანის უფლებათა დაცვის საერთაშორისო დღესთან დაკავშირებით, ევროკავშირის ელჩმა, კარლ ჰარცელმა თქვა:
“წელს, ჩვენ ავღნიშნავთ ადამიანის უფლებების საყოველთაო დეკლარაციის 70-ე წლისთავს. ადამიანის უფლებები ძირითადია ევროკავშირისთვის და მისი საქართველოსთან ურთიერთობისთვის. ჩვენს პარტნიორებთან ერთად, ჩვენ კვლავ ავიმაღლებთ ხმას მსოფლიოში ადამიანის უფლებების დასაცავად”.
2018 წლის კვირეული ადამიანის უფლებების საყოველთაო დეკლარაციის 70-ე წლისთავს ეძღვნება. კვირეულის ფარგლებში სხვადასხვა ღონისძიება და აქტივობა ჩატარდება, გაიმართება საკომუნიკაციო კამპანია ტელევიზიებსა და სოციალურ მედიაში.