ნაციონალური მოძრაობის პოლიტსაბჭოს თავმჯდომარე, ნიკა მელია აცხადებს, რომ პარტიის ამოცანა ოპოზიციურად განწყობილ პარტიებთან მჭიდრო ურთიერთობა და დიდი ოპოზიციური გაერთიანების შექმნაა. ტელეკომპანია “კავკასიის“ ეთერში დასმულ კითხვაზე, არის თუ არა თანხვედრაში ნაციონალური მოძრაობის და მიხეილ სააკაშვილის დღის წესრიგი ნიკა მელია პასუხობს, რომ არის შემთხვევები, როდესაც, პარტიისა და მიხეილ სააკაშვილის გზავნილებს შორის ხშირად ხდება აცდენა, მაგრამ ეს ჩვეულებრივი პროცესია.
„მიხეილ სააკაშვილის გარეშე შეუძლებელია ივანიშვილის დამარცხება, მაგრამ სააკაშვილის ერთპიროვნული ლიდერობიდათც გაჭირდება მისი დამარცხება“ – განაცხადა მელიამ. ის დარწმუნებულია, რომ სააკაშვილისა და პარტიის ინტერესებს შორის აცდენა არ მოხდება. „თუმცა, თუკი მიზანთან მაინც და მაინც წინააღმდეგობაში მოვა მიხეილ სააკაშვილის ქმედებები, განცხადებები, ჩვენ დავრჩებით ოპოზიციაში. ეს იქნება და ეს“ – განაცხადა მელიამ გადაცემა „ბარიერში“ . მისივე თქმით, თუ სწორი სტრატეგია არ შემუშავდა, ფართო ოპოზიციური გაერთიანების გარეშე არაფერი გამოვა.
