რუსეთში, სვერდლოვსკის ოლქის სოფელ დიდ ისტოკში (ეკატერინბურგის სიახლოვეს), რუსული FPV-დრონების „უპირის“ მწარმოებლისა და ცნობილი Z-არხის („Повёрнутые на войне“) ავტორის, ვლადიმერ ტკაჩუკის ავტომობილი აფეთქდა. რუსული მედიისა და ოპერატიული სამსახურების ცნობით, ინციდენტის შედეგად ერთი ადამიანი დაიღუპა, თავად ტკაჩუკი კი მძიმე მდგომარეობაშია.
რუსული საინფორმაციო სააგენტო TACC-ის ინფორმაციით, „ურალდრონსავოდის“ გენერალური დირექტორი ვლადიმერ ტკაჩუკი ამჟამად რეანიმაციულ განყოფილებაში, მძიმე მდგომარეობაში იმყოფება. ადგილობრივი გამოცემა 66.RU აზუსტებს, რომ აფეთქების მომენტში ტკაჩუკი მანქანაში არ იმყოფებოდა, თუმცა აფეთქების შედეგად ადგილზე გარდაიცვალა მისი მძღოლი.
Telegram-არხ Mash-ის ცნობით, ტერაქტი წინასწარ ჩადებული ასაფეთქებელი მოწყობილობის მეშვეობით განხორციელდა. მომხდართან დაკავშირებით რუსეთის სამართალდამცავ უწყებებს სისხლის სამართლის საქმე აქვთ აღძრული მკვლელობის მცდელობის მუხლით. თუმცა მომხდარზე პასუხისმგებლობა ჯერ-ჯერობით არავის აუღია.
რუსეთში დრონების მწარმოებელი კომპანიის დირექტორის ავტომობილი აფეთქდა
