“ქეითმა მეგანი შეგნებულად დაამცირა“–ინტერნეტში მეგან მარკლის სკანდალური ბიოგრაფიის ნაწყვეტები გამოჩნდა

ინტერნეტში მეგან მარკლის სკანდალური ბიოგრაფიის ნაწყვეტები გამოჩნდა

გამოცემების – Daily Mail–ის  და  The Telegraph–ის ხელთ აღმოჩნდა ფრაგმენტები წიგნიდან “თავისუფლების ძიებაში“. ეს არის ოფიციალური სამეფო ბიოგრაფია, რომელიც პრინცი ჰარის და მეგან მარკლის კარნახით არის დაწერილი. ყველაზე დელიკატური მომენტი წიგნში ეხება “დიდებული ოთხეულის“, ანუ სასექსის და კემბრიჯის ჰერცოგების – ჰარის და მეგანის და ქეითის და უილიამის ურთიერთობებს. როგორც ავტორები ამტკიცებენ, მეგანი და ჰარი იმედგაცრუებულები იყვნენ იმით, რომ მათ სამეფო ოჯახში “უკანა სკამის დაკავება“ მოუწიათ, იმ დროს, როცა პრინცი უილიამი და ქეით მიდლტონი ყველაზე საუკეთესო ოფიციალურ როლებს და პრიორიტეტს იღებდნენ საკუთარი საქველმოქმედო პროექტების შექმნისას.

წიგნში მოყვანილია სენტიმენტალური და სევდიანი წერილის ტექსტი, რომელიც მეგან მარკლმა მის ერთ–ერთ მეგობარს გაუგზავნა. წერილში ის წერს, რომ “ამ ოჯახის გამო მთელი თავისი ცხოვრება დათმო“, საბოლოოდ კი წასვლის გარდა სხვა არჩევანი აღარ დარჩა.

ბიოგრაფიის ერთ–ერთი ავტორი ამერიკული ELLE–ს ერთ–ერთი ავტორი, კეროლინ დიურანია. როგორც ჟურნალისტი ამტკიცებს, ჰარის და მეგანის დრამატული გადაწყვეტილება სამეფო ოჯახიდან წასვლის შესახებ აჩვენებს, რომ ისინი თავს “განდევნილებად“ გრძნობდნენ და რომ ოჯახის სხვა, უფროსმა წევრებმა ვერ შეძლეს და არც უნდოდათ პრესის თავდასხმებისგან მათი დაცვა. ჟურნალისტის თქმით, ისინი ამ ჩაკეტილი სივრციდან გაქცევაზე ოცნებობდნენ.

კიდევ ერთი მწვავე მომენტი – სამეფო კარის მსახურთა ეჭვებია იმის შესახებ, რომ ჰარის და მეგანს თვით დედოფლის დაჩრდილვა უნდოდათ. პრინცი გრძნობდა, რომ სასახლის ჩინოვნიკებს უბრალოდ არ უყვარდათ მეგანი და არაფერზე უკან არ დაიხევდნენ მისი ცხოვრების გასართულებლად. საბოლოოდ, წიგნის მიხედვით ამ “ნაცრისფერ პიჯაკიანმა მამაკაცებმა“ ყველაფერი გააკეთეს, რომ ჰარის ბებიასთან შეხვედრა და არსებული პრობლემების განხილვა ვერ მოეხერხებინა. მის უდიდებულესობასთან პირად აუდიენციას მან მხოლოდ 29 იანვარს მიაღწია, როცა სამეფო ოჯახიდან და ბრიტანეთიდან წასვლის გადაწყვეტილება უკვე მიღებული ჰქონდა.

რაც შეეხება პრინცესა დაიანას შვილების ურთიერთობას, როგორც ბიოგრაფიაში ჩანს, მათ ნგრევა მაშინვე დაიწყეს, როგორც კი უმცროსმა პრინცმა განაცხადა, რომ მეგან მარკლზე აპირებდა დაქორწინებას.

“ქორწილის წინ მართლაც დამანგრეველი რაღაცეები ითქვა და გაკეთდა“– ნათქვამია წიგნში, რომლის თანახმად უილიამი და მისი მეუღლე, ქეით მიდლტონი  მეგანს აიძულებდნენ ბრიტანეთში ჩასვლის შემდეგ  თავი არასასურველ პერსონად ეგრძნო.

ამის ნათელი დემონსტრირება იყო  ვესტმინსტერის სააბატოში გამართული ბოლო წირვა, რომელსაც “დიდებული ოთხეული“ ერთად ბოლოჯერ ესწრებოდა. მიუხედავად იმისა, რომ მათ ერთმანეთი იანვრის შემდეგ არ ყავდათ ნანახი, ერთმანეთს პრაქტიკულად არ ეკონტაქტებოდნენ. კეროლი დიურანი აღნიშნავს, რომ მეგანი ცდილობდა ქეითთან ვიზუალური კონტაქტი დაემყარებინა, თუმცა მან ისეთი სახე მიიღო, თითქოს ძლივს იცნო, რითაც რძალი შეგნებულად დაამცირა.