უკრაინის პრეზიდენტი ვოლიდიმირ ზელენსკი აცხადებს, რომ “მარიუპოლი დღეს ამ ომის გულია”, ამიტომ მისი სიძლიერე განსაზღვრავს მოლაპარაკებებში უკრაინის პოზიციებს.
“ის ფეთქავს. ჩვენ ვიბრძვით. ჩვენ ძლიერები ვართ. და თუ ის შეწყვეტს ფეთქვას, ჩვენ უფრო სუსტ მდგომარეობაში ვიქნებით. ისინი [დამცველები] არიან ადამიანები, რომლებიც მტრის ძალების დიდ ნაწილს ფანტავენ.
რაც უფრო ძლიერი იქნება ჩვენი პოზიციები მარიუპოლში, რაც უფრო ძლიერი იქნება პოზიციები ქვეყნის აღმოსავლეთში, მით უფრო ძლიერი პოზიცია გვექნება ძალების საერთო ოპერაციაში. და თუ ისინი გაძლიერდებიან, მოლაპარაკების მაგიდა უფრო ახლოს იქნება და ჩვენ გვექნება უპირატესობები რუსეთის ფედერაციასთან დიალოგში”,– ამბობს ზელენკი AP-თან ინტერვიუში.
მისივე შეფასებით, თუ მარიუპოლში უკრაინის პოზიციები დასუსტდება, მაშინ შესაძლოა რუსეთმა დაიწყოს იმ ქალაქებში დაბრუნება, რომელიც უკვე გათავისუფლდა მათგან.
“ისინი შეიძლება ამაზე წავიდნენ. და ჩვენი პოზიცია მოლაპარაკებებში უფრო სუსტი იქნება. და ალბათ რუსული მხარისთვის არასაინტერესო. ეს შეიძლება მოხდეს. სამწუხაროდ, ჩვენ ამას ვხედავთ. ჩვენ გვჯერა სხვა შედეგის, ჩვენ გვჯერა ჩვენი გამარჯვების”,– აღნიშნა ზელენსკიმ.