უკრაინის პრეზიდენტის ოფისის მრჩეველი, ალექსეი არესტოვიჩი ამბობს, რომ რუსული სამხედრო მობილიზაცია კატასტროფულად მიმდინარეობს. ამავე დროს, ბზარები გაჩნდა რუსულ პროპაგანდაში:
“რუსული კატასტროფის პირველი მერცხლები უკვე გამოჩნდნენ რუსული ცენტრალური ტელეარხების ეთერებში.
მთავარი რუსი პროპაგანდისტები არ მალავენ მობილიზაციაში დიდ პრობლემებს.
არ იციან მობილიზებულებს რა ჩააცვან, რა აჭამონ, სად განათავსონ.
ეს ნათლად მეტყველებს კატასტროფაზე, რომელიც გასაგები გახდა მობილიზაციის დაწყებიდან ერთ კვირაშივე. მობილიზაცია რუსეთის საკადრო არმიას ვერ დაეხმარება.
პირველ მობილიზებულებს მალე მასობრივად ჩაყრიან სანგრებში. მათ არავინ მოამზადებს და არ აღჭურვავს. მათ უბრალოდ დაივიწყებენ.
მერე მეორეებს, მესამეებს…
უცნობია, რუსეთის რამდენი მოქალაქის სიკვდილი მიახვედრებს რუსულ საზოგადოებას, რომ რუსულენოვანი ხალხის მთავარი მჩაგვრელები და მკვლელები მოსკოვში სხედან.
თუმცა, იმის გაცნობიერება, რომ “გამეორება“ შეუძლებელია, უმძიმეს მორალურ კატასტროფამდე მიიყვანს მათ, ვინც პუტინს მხარს უჭერდა და რამენაირად მაინც ჯეროდა პროპაგანდის.
გაირკვევა, რომ ვერავის და ვერაფერს ენდობი, ეკონომიკა დანგრეულია, პერსპექტივა აღარ არის, უკრაინაში კი ათეულობით ათასი რუსი უგზოუკვლოდ იკარგება.
ამის გადათამაშება უკვე აღარ გამოვა“– ამბობს არესტოვიჩი.
