რუსთაველის გამზირზე დღევანდელი აქცია საქართველო-რუსეთის ომის მე-11 წლის თავს ეძღვნება. პარლამენტის წინ 49-ე დღეა, საპროტესტო აქცია იმართება.საპროტესტო აქციაზე 2008 წლის რუსეთ-საქართველოს ომზე საინფორმაციო გამოფენა მოეწყო.
აქციის მონაწილეები 20 ივნისის სისხლიანი მოვლენების გამო, შინაგან საქმეთა მინისტრის, გიორგი გახარიას თანამდებობიდან გადადგომას მოითხოვენ.
{{PHOTOGALLERY}}
აქციის ორგანიზატორების ინფორმაციით, პროტესტის 49-ე დღეს, ომიდან 11 წლის თავზე, ოკუპაციის წინააღმდეგ მებრძოლი ადამიანები შეიკრიბებიან და აგვისტოს ომში გარდაცვლილ გმირებს გაიხსენებენ. მათი თქმით, ოკუპაციას არასდროს შეეგუებიან.
