15 წლის ლუკა სირაძე, რომელმაც სიცოცხლე თვითმლვლელობით დაასრულა დღეს დაკრძალეს. მანამდე კი მოზარდის სამოქალაქო პანაშვიდი დიდუბეში მდებარე წმინდა გიორგის სახელობის ტაძარში გაიმართა. ლუკა სირაძის ოჯახს სამძიმარი საქართველოს პრეზიდენტმა სალომე ზურაბიშვილმა გამოუცხადა , პანაშვიდზე იმყოფებოდნენ სხვა პოლიტიკოსებიც.
15 წლის მოზარდი რამდენიმე დღის წინ საავადმყოფოში გარდაიცვალა, სადაც ერთი კვირა კომატოზურ მდგომარეობაში გაატარა. თვითმკვლელობამდე ის „მწვანე სკოლაში“ კედლებზე წარწერების გაკეთების ფაქტზე დიდუბე-ჩუღურეთის პოლიციის პირველ განყოფილებაში გამოკითხეს. მოზარდის გარდაცვალებიდან რამდენიმე საათში ჩვენების იძულებით მიღების ფაქტზე გამომძიებელი მარიანა ჩოლოიანი დააკავეს. ლუკა სირაძის საქმეს სახელმწიფო ინსპექტორი იძიებს.
