ლეგენდარული ფეხბურთელი, რომელიც საქართველოში ევროპაბეთის მოწვევით იმყოფებოდა კვირას, ნაშუადღევს, ვენაში გაფრინდა. გამგზავრების წინ, მან საქართველოში ვიზიტი შეაჯამა.
”
“საქართველოში გატარებული დღეებით ძალიან კმაყოფილი ვარ. თბილისში დიდი ხნის შემდეგ დავბრუნდი და საკმაოდ ემოციური დღეები გამოვიდა, რადგან ძალიან ბევრი ფანი შემხვდა. გადაღებებითაც კმაყოფილი ვარ – ამ კამპანიაში მონაწილეობა ჩემთვის საინტერესო გამოცდილებაა,” – აცხადებს იგი.
როგორც მოგეხსენებათ, იტალიელი ფეხბურთელი თბილისში ევროპაბეთის სარეკლამო რგოლში მონაწილეობის მისაღებად ჩამოვიდა. გადასაღებ მოედანზე პირლოსთან ერთად ფრანგი რეჟისორი, ჟულიენ ზენიე მუშაობდა, რომელსაც სხვადასხვა დროს ისეთი დიდი კომპანიების რეკლამები აქვს გადაღებული, როგორებიცაა ”მერსედეს ბენცი”, ”როლექსი” და ”პეჟო”. მას ამასთანავე უმუშავია მსოფლიო ვარსკვლავებთან, კრიშტიანო რონალდოსთან და ნოვაკ ჯოკოვიჩთან.
გადაღებების დაწყებამდე პირლო გულშემატკივრებს შეხვდა, მათთან სამახსოვრო ფოტოები გადაიღო და ავტოგრაფები დაარიგა.
იტალიელმა ფეხბურთის ლეგენდამ გადაღებების შესახებ საკუთარ ინსტაგრამის გვერდზეც დაპოსტა.