{{ARTICLEIMAGE}}
ცოტა ხნის წინ ამერიკულ კომპანია GoPro-ს ახალი ვიდეოკამერის პრეზენტაცია ჰქონდა.
როგორც მოგეხსენებათ GoPro შედარებით ახალი და ძალიან სწრაფად მზარდი კომპანიაა. იგი 2002 წელს დაარსდა და პოპულარობა საკმაოდ სწრაფად მოიხვეჭა. 30 სექტემბერს მათ ყველაზე გაყიდვადი HERO სერიის ახალი ვიდეო კამერა GoPro Hero 7 გამოუშვეს.
Hero 7 ვიზუალურად ძალიან ჰგავს მის წინამორბედს, თუმცა ტექნიკურად ბევრად მოდიფიცირებულია. უმთავრესი განსხვავება, რითიც GoPro-ს მესვეურები ამაყობენ და არაერთხელ აღნიშნეს პრეზენტაციაზეც არის კამერის სტაბილიზაცია. კომპანიის დამაარსებელმა ნიკ ვუდმენმა საკმაოდ ამბიციური განცხადება გააკეთა და მისი კომპანიის ფლაგმანი კამერის ვიდეო სტაბილიზაცია საუკეთესოდ შერაცხა.
ამას გარდა, ახალ კამერაში გაუმჯობესებულია ხმის ჩამწერი სისტემაც, ლაივსთრიმი და ე.წ ‘’თაიმლაფსი’’. უნდა აღინიშნოს, რომ Hero 7 პირველი ექშენ კამერაა, რომლითაც ფეისბუქ ლაივის ჩართვას შეძლებთ.
‘’გოუპრომ’’ ამასთანავე მოახერხა და გააუმჯობესა ფოტო გადაღებაც. ახალ მოდელს უკვე ავტომატურად შეუძლია სახის და ღიმილის დაფიქსირება და ავტომატურად არჩევს საუკეთესო რეზოლუციასა და პარამეტრებს, თუმცა გადამღებს, რა თქმა უნდა, საკუთარი სურვილითაც შეუძლია მისი შეცვლა.
სიახლეების მიუხედავად კომპანიამ ძველებურად დატოვა სენსორი, ლინზის ზომა და ‘’video bit-rate’’. კამერას კვლავინდებურად შეუძლია შენელებული კადრის გადაღება როგორც 120, ისე 240ფპს-ით. კამერა წყალგაუმტარია და მისით სარგებლობა 10 მეტრის სიღრმეზეა შესაძლებელი.
აღსანიშნავია ისიც, რომ ახალი ‘’გოუპროს’’ ფასი ზუსტად იგივე დარჩა, რაც მისი წინამორბედის და მისი ფასი რეგიონის მიხედვით 400-დან 600-ას დოლარამდე მერყეობს.