30–35 წლის ასაკში ცალკეული ჭაღარა თმის გაჩენა ნორმად ითვლება. პირველ რიგში თმა საფეთქლებთან და თავის წინა მხარეს ჭაღარავდება. 50–55 წლის ასაკში კი თეთრი თმა მთელ თავს ედება.
ადრეულ ასაკში ჭაღარის გაჩენის მიზეზი თმის ფოლიკულების მიერ პიგმენტ მელანინის გამომუშავების შეწყვეტაა, რომელიც თმის ფერზეა პასუხისმგებელი. ეს შესაძლოა გენეტიკასთან იყოს დაკავშირებული, თუმცა შესაძლოა მიზეზი მიკროელემენტების და ვიტამინების ნაკლებობაც გახდეს (მაგალითად A,B,C ჯგუფის ვიტამინების, სელენის, რკინის, თუთიის და სპილენძის ნაკლებობა). ნაადრევი ჭაღარის მიზეზად შეიძლება იქცეს ნერვული სისტემის ფუნქციების დარღვევაც. ჰორმონი ადრენალინი, რომელიც სტრესის დროს გამოიყოფა მელანინის გამოყოფას ხელს უშლის.
ნაადრევი გაჭაღარავება შეიძლება მკაცრმა დიეტებმაც გამოიწვიოს, რომლებიც რაციონში ცილებოვანი საკვების შემცირებას გულისხმობს. კიდევ ერთი მიზეზი შესაძლოა მზის გულზე ხანგრძლივი ყოფნა გახდეს.
პროცესის უკან შემობრუნება და თმისთვის ძველი ფერის დაბრუნება შეუძლებელია, თუმცა შეგიძლიათ ახალი ჭაღარა თმის გაჩენის პროცესი შეაჩეროთ. ამისათვის სტრესებს უნდა ერიდოთ, სწორად იკვებოთ და ძილის რეჟიმი დაიცვათ. ზოგადი რეკომენდაციების გარდა, კარგი იქნება თუ ყურადღებას გაამახვილებთ В ჯგუფის ვიტამინების კომპლექსებზე და ენდოკრინოლოგსაც მიმართავთ კონსულტაციისთვის. ადრეული ჭაღარა ხომ შესაძლოა ჰორმონალური ფონის და ნივთიერებათა ცვლის დარღვევის სიგნალიც იყოს.