{{ARTICLEIMAGE}}
“ლეობორისტული პარტიის“ ოფისში გამართულ კონსულტაციებში თავისუფალი დემოკრატები“ დღეს არ მონაწილეობდნენ. პარტიის ერთ-ერთი ლიდერის განცხადებით, მათ შეხვედრაზე დასასწრებად შეთავაზება არ მიუღიათ. პარტია იზიარებს მოთხოვნას, რომ არჩევნები აუცილებლად პროპორციული სისტემით უნდა ჩატარდეს, თუმცა არ ეთანხმება ვადამდელი არჩევნების მოთხოვნას.
“თავისუფალი დემოკრატების“ პოზიცია შემდეგში მდგომარეობს, რა თქმა უნდა, ძალიან ცუდი არჩევნები ჩატარდა. ეს იყო უკან გადადგმული ნაბიჯი არჩევნების დემოკრატიულობის თვალსაზრისით. მეტად ნეგატიური შეფასებები მივიღეთ საერთაშორისო ორგანიზაციებისა და მეგობარი ქვეყნების მხრიდანაც. ძირითადი ოპოზიციური პოლიტიკური ძალა, გაერთიანებული ოპოზიცია, სადაც „ნაციონალური მოძრაობა“ დომინირებს, აყენებს საკითხს, რომ შექმნილ ვითარებაში საჭიროა ვადამდელი საპარლამენტო არჩევნების დანიშვნა პროპორციული საარჩევნო წესით. ჩვენ მივიჩნევთ, რომ ვადამდელი საპარლამენტო არჩევნები არ იქნება სასარგებლო ჩვენი ქვეყნისთვის, ვინაიდან, ვადამდელი არჩვნების შემთხვევაში, ჩვენ კვლავ დავტოვებთ ამომრჩეველს ამ ორ პოლიტიკურ პოლუსს შორის არჩევანის გაკეთების წინაშე, მაშინ როდესაც სახეზეა ახალი პოლიტიკური გაერთიანების სულ ურო მზარდი მოთხოვნა“, – განაცხადა შავგულიძემ.
მისივე თქმით, საჭიროა იმის მოძებნა, თუ რაში აქვს თანხვედრა ოპოზიციურ სპექტრს.
“ერთი პოზიცია გვაქვს იმაში, რომ თუ არ ჩატარდა პროპორციული არჩევნები, მაშინ არც ვადამდელს აქვს აზრი და არც კონსტიტუციურ ვადაში ჩატარებას“, – განაცხადა შავგულიძემ.
“ახალი მემარჯვენეები კი გაერთიანებულ ოპოზიციას ურჩევენ, თუ მათ მართლაც სურთ საარჩევნო სისტემის შეცვლა, მაჟორიტარული წესის გაუქმება, პროპორციულის შემოღება და საარჩევნო ადმინისტრაციის დაკომპლექტების წესის ცვლილება, უარი თქვან ულტიმატუმებზე და კონკრეტული ვადების დასახელებაზე.
მამუკა კაციტაძის თქმით, გაერთიანებულმა ოპოზიციამ ხელისუფლებისთვის დათქმული ვადა, 16 დეკემბერი, უნდა შეცვალოს, რადგან საკუტარი გამოცდილებით, როგორც ამბობს, ვადების დათქმა ხელისუფლების ინტერესებში შედის და მთავარ იდეას ჩრდილს აყენებს.