„უკრაინის გამარჯვება საქართველოს გამარჯვებაა“ – ამ ლოზუნგით დღეს თბილისში შაბათის ტრადიციული მარში გაიმართა. მოქალაქეები, თავდაპირველად, ფილარმონიასთან შეიკრიბნენ, შემდეგ კი მსვლელობით რუსთაველის გამზირისკენ წავიდნენ.
დღევანდელი აქციის მთავარი გზავნილი საერთო მტერთან ბრძოლაში უკრაინელი ხალხის მხარდაჭერა და რუსული ოკუპაციის დაგმობა იყო. ორგანიზატორებმა განაცხადეს, რომ რუსეთი საუკუნეებია ცდილობს თავისუფლებისმოყვარე ერების სახელმწიფოებრიობის განადგურებას. ოკუპაცია, ანექსია, რეპრესიები და ძალადობა კი მისი პოლიტიკის უცვლელი ნაწილია. სწორედ, ამიტომ, აქციის მონაწილეების თქმით, საქართველო და უკრაინა დღეს ერთ ბრძოლაში იმყოფებიან.
აქციის მონაწილეებს საქართველოსა და ევროკავშირის დროშებთან ერთად, გაშლილი ჰქონდათ უკრაინის დროშაც.
უწყვეტი პროევროპული პროტესტის მთავარი მოთხოვნები უცვლელია: დაინიშნოს ახალი, სამართლიანი საპარლამენტო არჩევნები და გათავისუფლდნენ პოლიტპატიმრები.
საპროტესტო მარში, ტრადიციულად, პარლამენტის წინ დასრულდა. დღეს პროევროპული პროტესტის 598–ე დღეა.
აქცია წვიმის ფონზე და ქოლებით გაიმართა.