უკრაინის უპილოტო სისტემების ძალების მეთაურის, რობერტ „მადიარ“ ბროვდის თქმით, უკრაინელებმა 48 საათში რუსეთის კონტროლქვეშ მყოფი 13 ენერგეტიკული ობიექტი დაბომბა.
თავდასხმების სამიზნე გახდა ელექტროქვესადგურები და გაზგამანაწილებელი სადგური დონეცკის, ზაპოროჟიესა და ხერსონის ოლქების ოკუპირებულ ნაწილებში, აგრეთვე დროებით ოკუპირებულ ყირიმში.
სამიზნეებს შორის იყო 750-კილოვოლტიანი და 110-კილოვოლტიანი მაღალი ძაბვის ქვესადგურები, მათ შორის 750 კვ-იანი „პივდენოდონბასკას“ ქვესადგური დონეცკის დროებით ოკუპირებულ რეგიონში, კრემენივკასთან ახლოს და 330 კვ-იანი „მირნას“ ქვესადგური მარიუპოლის დროებით ოკუპირებულ ტერიტორიასთან ახლოს.
უკრაინულმა დრონების ქვედანაყოფებმა ოკუპირებულ ტერიტორიებზე ენერგეტიკული ინფრასტრუქტურის 201 კვანძს 1 ივლისის შემდეგ დაარტყეს, როდესაც ეს კამპანია დაიწყო. უკრაინელი ოფიციალური პირები ამ ოპერაციას „ყირიმის გამორთვას“ უწოდებენ.
