მოსკოვის მერის, სერგეი სობიანინის განცხადებით, გუშინდელი საღამოდან დღეს დილის 5 საათამდე მოსკოვისა და მოსკოვის ოლქის მიმართულებით 620 უპილოტო საფრენი აპარატი დააფიქსირეს, რომელთაგან 180 მოსკოვის რეგიონში განადგურდა. ამის შესახებ სობიანინმა 18 აგვისტოს, მესენჯერ „მაქსში” გამოქვეყნებულ განცხადებაში აღნიშნა. მისივე თქმით, ნანგრევების ჩამოვარდნის ადგილებზე საგანგებო სიტუაციების სამსახურები მუშაობს.
„როსავიაციის” ინფორმაციით, უსაფრთხოების უზრუნველყოფის მიზნით დროებითი შეზღუდვები ამოქმედდა მოსკოვის სამ აეროპორტში — „ვნუკოვოში”, „დომოდედოვოში” და „ჟუკოვსკიში” (რამენსკოე); ეს აეროპორტები დროებით არ იღებენ და არ უშვებენ საჰაერო ხომალდებს. მეოთხე აეროპორტი, „შერემეტიევო”, სრულად არ დახურულა — იგი მუშაობს განსაკუთრებულ რეჟიმში და ფრენების მიღება-გაშვება უფლებამოსილ სამსახურებთან შეთანხმებით ხორციელდება, რის გამოც ცვლილებები დაშვებულია ფრენების განრიგში.
უკრაინული მედიის ცნობით, უსაფრთხოების შეზღუდვების გამო რვა ავიარეისმა მოსკოვში ვერ დაასრულა დაშვება.