სვანეთში, 20 წლის გოგოს ეძებენ – როგორც საგანგებო სიტუაციების მართვის სამსახურში აცხადებს, სამაშველო სამსახური ჩართულია და გოგონას ძებნა-შველის ოპერაცია მიმდინარეობს. მისი ავტომობილი დღეს საღამოს ჭალაადის მყინვართან იპოვეს
გავრცელებული ინფორმაციით, 20 წლის გოგო სვანეთში ნაქირავები ავტომობილით მარტო მოგზაურობდა. ასევე, ვრცელდება ცნობები, რომ მისი ავტომობილი ჭალაადის მყინვართან იპოვეს.
“გოგონა გამხდარია, დაახლოებით 170 სმ სიმაღლის, აქვს მუქი, სწორი, მხრებამდე თმა. აცვია მოკლე ჯინსის შარვალი და ყვითელი კედები.მარია საქართველოში მარტო მოგზაურობს. ბოლოს მასთან დაკავშირება გუშინ, მესტიაში შეძლეს. ის საბაგიროთი იყო ასული და იქიდან ახლობლებს ფოტოებსა და ვიდეოებს უგზავნიდა. გოგონა გადაადგილდებოდა ნაქირავები Mazda CX-5-ით. მისი ავტომობილი დღეს საღამოს ჭალაადის მყინვართან იპოვეს, თავად მარიას ადგილსამყოფელი კი უცნობია. ვისაც აქვს რაიმე ინფორმაცია მარია ხმელევას ადგილსამყოფელის შესახებ, დარეკეთ 112-ზე”- წერენ მოქალაქეები სოციალურ ქსელში.