“აჩვენებს, რომ პენიტენციური სისტემა, სტანდარტების შესაბამისად მოქმედებს” – “ქართული ოცნების” პრემიერი, ირაკლი კობახიძე სპეციალური პენიტენციური სამსახურის მიერ მსჯავრდებულ გიორგი დავითაძის დეესკალაციის საკანში გადაყვანისა და იქ ყოფნის ამსახველ ვიდეოკადრებთან დაკავშირებით ამბობს, რომ ყველაფერი „პროპორციულობის პრინციპის დაცვით“ მოხდა.
„ეს კადრები იმის მაჩვენებელია, რომ სტანდარტების შესაბამისად მოქმედებს ჩვენი პენიტენციური სისტემა. როცა საჭიროა იძულებითი ზომის გამოყენება პროპორციულობის პრინციპის შესაბამისად, რა თქმა უნდა, ეს იძულების ზომა გამოიყენება, თუმცა, როგორც კადრებმა აჩვენა ეს ყველაფერი ხორციელდება პროპორციულობის პრინციპის დაცვით.
დებულებაზე არ არის, მე ვიცი, რა არის სტანდარტები, საერთაშორისო სტანდარტები და ამ შემთხვევაში პენიტენციური სამსახური მოქმედებდა სწორედ სტანდარტების შესაბამისად.
თუ რა არის რაიმე პრეტენზიები, მათ შეუძლიათ მიმართონ შესაბამის უწყებებს, მათ მიმართეს სახალხო დამცველს და სხვა უწყებებს. რა თქმა უნდა, ყველა უწყება გასცემს პასუხს ყველა შეკითხვაზე.
გამოძიების პირველადი შედეგები, რა თქმა უნდა ვიცით, თუმცა ერთ რამეს მოგახსენებთ, რომ რაც მალე დაიხურება ასეთი გამოძიება, მით უკეთესი. შესაბამისად, მნიშვნელოვანია, რომ ეს გამოძიება მალე იქნას ბოლომდე მიყვანილი“, – თქვა ირაკლი კობახიძემ.