„ფორმულამ ჩემი ცნობილი დაჭყეტილი ფოტო გამოდო და ეგრევე თვალი ეცა, აალდნენ!”- წერს ამის შესახებ, ვივამედის დირექტორი, ნინო ნადირაძე, რითიც ეხმაურება, ტელეკომპანია”ფორმულას” შენობაში გაჩენილ ხანძარს.
მეტრო დელისის მიმდებარედ, „ფორმულას“ შენობაში ხანძარია. წინასწარი ინფორმაციით, ცეცხლი ტელეკომპანიის ოფისის ქვედა, – მე-16 სართულზე გაჩნდა. ტელეწამყვანი, ნინო ჟიჟილაშვილი სოციალურ ქსელში წერს, რომ ძლიერი დაკვამლიანების გამო, მაუწყებლობა შეწყვეტილია. ტელევიზიის თანამშრომლების ნაწილი, შენობის დატოვებას ვერ ახერხებს და დახმარებას ითხოვს.
“ფორმულას” შენობაში ხანძარია. ყველა უწყებას გთხოვთ დაგვეხმაროთ!! მაუწყებლობა შევწვიტეთ. ჩვენი გუნდის ნაწილი გამოსვლას ვერ ახერხებს დაკვამლიანების გამო” – წერს ამის შესახებ, ტელეწამყვანი, ნინო ჟიჟილაშვილი.
როგორც საგანგებო სიტუაციების მართვის სამსახურში „ინტერპრესნიუსს“ განუცხადეს, ადგილზე მობილიზებულია სახანძრო – სამაშველო დანაყოფები და მიმდინარეობს ცეცხლის ლოკალიზება.